Utvalde hurtiglenker

    Nyheiter

    Historisk arkiv

    FAO: Biologisk mangfald og matproduksjon

    Historisk arkiv

    Publisert under: Regjeringen Solberg

    Utgjevar: Landbruks- og matdepartementet

    Nyheit | Dato: 08.03.2019

    FAO; FNs mat og landbruksorganisasjon la nyleg fram statusrapport om verdas biologiske mangfald og matproduksjon; The State of the World´s Biodiversity for Food and Agriculture. Dette er den første rapporten i sitt slag.

    Biologisk mangfald er avgjerande for matforsyning

    Generalsekretær i FAO, Jose Graziano da Silva.
    - Biologisk mangfald er avgjerande for å sikre global matforsyning, ernæring og levebrød, og for å sikre at menneske og samfunn er robuste. Mindre mangfald betyr auka risiko for smitte og sjukdomar. Vi må utnytte krafta i det biologiske mangfaldet til å møte aukande klimautfordringar og produsere mat utan å skade miljøet, seier generalsekretær i FAO, Jose Graziano da Silva. Foto: ©FAO/Alessandra Benedetti

    Biologisk mangfald held saman alt levande

    Landbruks- og matminister Olaug Vervik Bollestad
    - Noko av det viktigaste med denne rapporten er at han så klart viser korleis alt livet på jorda heng saman. Det biologiske mangfaldet er "limet" som held saman alt levande. Vi treng meir kunnskap om statusen for mikroorganismane som all matproduksjon er avhengig av, seier landbruks- og matminister Olaug Bollestad. Foto: Torbjørn Tandberg

    Bevaring gjennom bruk er betre enn berre bevaring

    Som innspel til denne FAO-rapporten leverte Norsk Genressurssenter i 2015 rapporten Bevaring gjennom bruk er bedre enn bare bevaring. Her blir trongen for betre oppfølging av "det vesle livet", mikroorganismar og virvellause dyr understreka. Bakteriar, sopp og virus, insekt og virvellause dyr; alle er heilt nødvendige i eitkvart økosystem. 

    Færre plantesortar og husdyrrasar

    Global matproduksjon er tufta på stadig færre plantesortar og husdyrrasar. 9 planteartar står for 2/3 av verdas planteproduksjon. 40 husdyrartar står for verdas samla husdyrproduksjon. 1/3 av verdas planteavlingar til mat treng pollinatorar, det vil seie insekt eller dyr som flytter pollenkorn (blomsterstøv) frå hannblomar til hoblomar.

    Til toppen