I budsjettframlegget for 2006 er det lagt inn til saman 15 millionar kroner til investeringar og auka driftsutgifter i Arkivverket.

- Eg er glad for at arkivsektoren no får eit lyft. De har tidlegare kome litt i skuggen av opptrappinga på museumssektoren, seier kultur- og kyrkjeminister Valgerd Svarstad Haugland.

Auken skal dekkja husleigeutgifter i den ombygde og utvida riksarkivbygningen, i tillegg til flytteutgifter og investeringar i samband med at Statsarkivet i Trondheim flytter inn i nye lokale på Nyhavna.

Dei nye lokala og nytt utstyr vil skapa betre rammevilkår for verksemda i etaten og leggja til rette for den vidare kapasitetsoppbygginga som er ei føresetnad i åra framover. Dette er spesielt viktig for å kunne handtera dei store utfordringane med å bevara elektronisk arkivmateriale.