Utanriksministeren til Helsingfors

Hanalys er eit årleg politisk seminar organisert av Hanaholmen. Seminaret har finsk og nordisk utanriks- og tryggingspolitikk som tema, og i år står mellom anna multilateralt samarbeid, rettsstatsprinsipp, seksuell og reproduktiv helse på dagsorden.

I tillegg skal utanriksminister Eriksen Søreide møte FNs høgkommissær for menneskerettar, Michelle Bachelet, som òg deltek på Hanalys-seminaret. Torsdag 6. februar møter utanriksministeren presidenten i Finland, Sauli Niinistö. 

Under gjestinga vil utanriksministeren innvie Noregs nasjonalgåve til Finland i samband med deira 100-årsjubileum som sjølvstendig stat (2017). Det er den norske kunstnaren Børre Sætre som står bak kunstverket.

Pressekontakt: Siri R. Svendsen, mobil 97 68 78 01.