Pressemelding

Nr.: 33
Dato: 22.3.99

Prøveordning med sjølvbetente vinmonopol

Statens Institutt for alkohol og narkotikaforsking (SIFA) og styret i Vinmonopolet er einige om å foreslå 14 prøveutsal med sjølvbetening.
Eg har i dag gitt Vinmonopolet og SIFA beskjed om at eg gir klarsignal for denne planen, seier sosialminister Magnhild Meltveit Kleppa.

Vedtaket er ei oppfølging av ynskje frå eit fleirtal i Stortinget om ei prøveordning med sjølvbetening i Vinmonopolet.
Prøveordninga skal gjennomførast på ein måte som framleis sikrar god kontroll med salet. Ordninga skal evaluerast av SIFA etter to år.

Det blir sjølvbetente polutsal desse stadene:

• Molde
• Larvik
• Narvik
• Fagernes
• Fauske
• Kristiansand, Kongensgate
• Oslo, CC-Vest, Vika og Storo
• Lørenskog
• Sandnes, Kvadrat
• Bergen, Nesttun
• Trondheim, Valentinlyst og Byhaven

Kontaktperson:
Ekspedisjonssjef Ellen Seip 22248509