Pressemelding

Nr.:47/99
Dato: 20. mars 1999

Norge appellerer til Burmesiske styresmakter om å gje visum til Aung San Suu Kyis ektefelle.

Norge har i dag retta ein sterk appell til burmesiske styresmakter om å gje visum til Burma til Nobelprisvinnar Aung San Suu Kyi sin ektefelle dr. Michael Aris. – Vi oppmodar på det sterkaste styresmaktene i Burma om på humanitært grunnlag å la dr. Aris få møta Aung San Suu Kyi så snart som mogeleg, seier utanriksminister Knut Vollebæk.

Den britiske forskaren Dr. Michael Aris har lenge ønskt å vitja sin ektefelle, men har blitt nekta visum av burmesiske styresmakter. Dr. Aris lid av ein alvorleg og livstruande sjukdom og har no på ny søkt om visum for å vitja kona si før sjukdommen forverrar seg.