Pressemelding

Nr.53/96
11.november 1996

Kari Morvik politisk rådgjevar

Førstekonsulent hos Fiskerisjefen i Sogn og Fjordane, Kari Morvik (44), er tilsett som politisk rådgjevar i Fiskeridepartementet. Morvik er fødd i Bergen. Ho er utdanna kjemiingeniør og har dessutan studert bedriftsøkonomi. Morvik har arbeidd ved Zoologisk laboratorium i Bergen, ved Ulvesund Formelfabrikk i Vågsøy, i Nordfjord kjøt- og næringsmiddelkontroll og ho har undervist ved Studiesenteret i Måløy. Sidan 1989 har ho vore tilsett hos Fiskerisjefen i Sogn og Fjordane.

Kari Morvik er medlem av kommunestyret i Vågsøy. Ho har vore styremedlem i Sogn og Fjordane Fiskarkvinnelag og er medlem i Måløy Havnestyre.