Pressemelding

1. november 1996

Finansministeren sine politiske medarbeidarar på plass

Finansminister Jens Stoltenberg har no sitt politiske mannskap på plass. Marianne Andreassen held fram som statssekretær i Finansdepartementet. Frå Næringsdepartementet kjem statssekretær Mary Kvidal. Tom Therkildsen er politisk rådgjevar for finansministeren.

Marianne Andreassen (35) har vore statssekretær i Finansdepartementet sidan august 1994, og kom frå stillinga som statssekretær i Utanriksdepartementet (handelssaker). Tidlegare har ho vore politisk rådgjevar for handelsministeren (1992) og hatt fleire andre stillingar og verv. Andreassen er cand. oceon (1985) og starta yrkeskarriæra si i Økonomiavdelinga i Finansdepartementet. Ho har vore amanuensis i samfunnsøkonomi ved Høgskolesenteret i Nordland, sekretær for finanskomiten i Stortinget og økonomisk rådgjevar for stortingsgruppa til Arbeidarpartiet.

Mary Kvidal ( 53) er ny i Finansdepartementet, og har vore politisk medarbeidar til Stoltenberg i Næringsdepartementet, der ho var statssekretær frå desember 1995. Kvidal var kyrkje- og undervisningsminister i 1988/89. I 1989-93 sat ho i finanskomiteen i Stortinget. Kvidal har og vore leiar av Sør-Trøndelag Arbeidarparti. Ho har vore skulesjef i Malvik sidan oktober 1994.

Tom Therkildsen (36) kjem no frå stillinga som IT-direktør ved Universitetet i Bergen. Han har vore politisk rådgjevar for Stoltenberg i Næringsdepartementet. Therkildsen er cand.polit, med hovudfag i Informasjonsvitskap (1987). Han har økonomi og logikk som støttefag.

Therkildsen har hatt fleire ulike stillingar ved Universitetet i Bergen før han vart IT-direktør i oktober 1995 (stipendiat, amanuensis, kontorsjef). Han har hatt ei rekkje verv i Arbeidarpartiet og i studentorganisasjonar, mellom anna leiar av Norsk Studentunion (1980).