Pressemelding

21. november 1996

Ny avtale om tollsamarbeid med EU

EU og Noreg er einige om ein ny avtale om tollsamarbeid. Avtalen gjer at norske tolltenestemenn kan halde fram med å utføre tolltenester på grensestadene på vegne av det svenske og finske tollvesnet, og omvendt. Ordninga sparer kvart land for vesentlege kostnader.

I alt 13 tollstader er omfatta av det samarbeidet som no vert ført vidare.

Etter planen skal avtalen tre i kraft 1. mars 1997, etter at han er formelt underteikna.

Grensetollsamarbeidet byggjer på avtalar som Noreg inngjekk med Sverige i 1959 og med Finland i 1968. Då Sverige og Finland vart medlemmer av EU, måtte Noreg ha ein avtale direkte med EU. Det er den avtalen som no er ferdigforhandla med EU-kommisjonen.