Pressemelding

22.11.96

Mellombels forbod mot oppankring og fiske på Rimfaks, Gullveig og Gullfaks Sør

Regjeringa har i dag oppretta område med forbod mot oppankring og fiske med botntrål og snurrevad over åtte undervassinnretningar på felta Rimfaks, Gullveig og Gullfaks Sør. Felta ligg om lag 150 km vest for Sognefjorden i Tampen-området.

Kommunal- og arbeidsdepartementet har ut i frå ei heilskapsvurdering kome fram til at omsyn til tryggleik taler klårt for oppretting av mellombels område med forbod mot oppankring og fiske over undervassinnretningar på desse felta.

Forboda er avgrensa i tid. Forskrifta trer i kraft 1. februar 1997 og blir avvikla når undervassinnretningane er gjort overtrålbare rundt årsskiftet 1998-99.