Pressemelding

Nr. 093-96
29. november

Hovudfag i datalingvistikk ved Universitetet i Bergen

Kyrkje-, utdannings- og forskingsdepartementet har no bestemt at det skal opprettast hovudfag i datalingvistikk ved Universitetet i Bergen. Datalingvistikk er ein vitskap i grenselandet mellom informatikk (særleg "kunstig intelligens") og lingvistikk.

Universitetet i Bergen har i fleire år hatt tilbod om grunnfag og mellomfag i datalingvistikk. Fleire forskarar ved Universitetet i Bergen har arbeidd innan dette fagfeltet.

Datalingvistisk forsking skjer og ved Norsk Termbank og ved Humanistisk Datasenter. Det er ingen andre norske universitet som har noko tilsvarande studietilbod på dette nivået, medan det i Sverige og Finland finst sterke fagmiljø innanfor datalingvistikk.

Datalingvistiske system har ei rekkje bruksområde, f. eks. i naturleg språkleg kommunikasjon mellom menneske og maskin (i samband med databasar og ekspertsystem), i informasjonssøkningssystem, teksbehandlingssystem, system for automatisert omsetjing, språkpedagogiske hjelpemiddel og hjelpemiddel for funskjonshemma.

Pressekontakt: Jan S. Levy, tlf. 22 24 77 00