Pressemelding

Nr. 038-97
13. mai

Reform 97:

45 millionar kroner til kompensasjon for investeringar

Regjeringa foreslår å utvide den samla investeringsramma i samband med Reform 97 med 45 millionar kroner. I framlegget til revidert nasjonalbudsjett for 1997 som blei fremja tysdag gjer regjeringa framlegg om kompensasjon for investeringar på skular der 6-åringane ikkje utløyser nye klassar. 5 av dei 11 kommunane som tidlegare ikkje har fått kompensert for investeringar i samband med grunnskulereforma, får som følgje av dette kompensasjon. Dette gjeld kommunane Sollund, Roan, Fosnes, Leka og Storfjord.

Til saman er det 72 skular fordelt på 57 kommunar som får kompensasjon for investeringar til skular der 6-åringane ikkje utløyser nye klassar.

Informasjonskontoret, Boks 8119 Dep., 0032 Oslo, telefax 22 24 95 44