Pressemelding

Nr.145/96
15. november 1996

Omfordeling av bistandsbudsjettet for 1996

Regjeringa la i dag fram St.prp. nr. 17 (1996-97) "Om endringar på statsbudsjettet for 1996 under kapittel administrerte av Utanriksdepartementet."

For å få til mest mogeleg effektiv bruk av midlane i budsjettåret blir det i proposisjonen foreslått å omdisponere 211,4 mill. kroner av budsjettet på 8 987 mill. kroner. Forslaga til omdisponeringar har samanheng med at framdrifta for prosjekt og program av ulike årsaker er blitt utsette eller at planar og rammevilkår er endra, slik at det er blitt ledige midlar.

Mesteparten av dei ledige midlane blir foreslått omdisponert til tiltak i Afrika. Heile 50 mill. kroner blir omdisponert til humanitær hjelp i afrikanske land, ca. 40 mill. kroner til tiltak gjennom multilaterale organisasjonar og 45 mill. kroner til gjeldslettetiltak.

I proposisjonen blir det og foreslått 50 mill. kroner til nytt investeringsfond for næringsverksemd i utviklingsland og 23. mill. kroner til fredsprosessen i Guatemala.