Pressemelding

Nr.: 79/97
28. mai 1997

Utanriksminister Godal til NATO-møte i Portugal

Utanriksminister Bjørn Tore Godal skal 29.-30. mai delta på det halvårlege utanriksministermøtet i NATO og Det nordatlantiske samarbeidsråd i Sintra i Portugal.

Utanriksministrane skal på møtet bl.a. førebu NATOs toppmøte i Madrid 8. og 9. juli. Spørsmålet om NATO-utviding som skal avgjerast i Madrid, og tilpasning av alliansens militære organisasjon til ein ny tryggingspolitisk situasjon vil stå sentralt i drøftingane. Under diskusjonen om Bosnia vil og Carl Bildt delta.

Ei hovedsak på møtet bli lanseringa av eit utvida og styrka Partnarskap for fred (PFP) og oppretting av eit nytt Euroatlantisk partnarskapsråd (EAPC). EAPC skal halda sitt første møte 30. mai samstundes som det Nordatlantiske partnarskapsrådet blir nedlagt. Det nye Euroatlantiske partnarskapsrådet vil få ein sentral rolle i arbeidet med å styra og samordna samarbeidet i PFP. EAPC skal og danna ramma for dei omfattande politiske drøftingane mellom NATO-medlemmene og partnarskapslanda.