22 konferansar på 4 månadar
Historisk arkiv
Publisert under: Regjeringen Brundtland III
Utgiver: Barne- og familiedepartementet
Pressemelding | Dato: 13.02.1996 | Sist oppdatert: 21.10.2006
Pressemelding
Barne- og familiedepartementet
13. februar 1996
Storsatsing i barnvernet:
22 konferansar på 4 månadar
Barne- og familiedepartementet vil i løpet av våren avvikle 22 konferansar rundt om i landet med tema informasjon og barnevern. Dette er eit samarbeid med fylkesmannsembeta.
- Ein god informasjon om barnevernet kan gjere kunnskapen større og misforståingane færre. Barneverntenesta må opnast meir for folk trass i at det er umogleg å informere om alle detaljane i barnevernet. Tilsette i barneverntenesta ønskjer å auke kompetansen sin for korleis dei kan formidle innhaldet i tenesta ut til folk. Difor startar vi desse konferansane, seier barne- og familieminister Grete Berget,
Den første av dei 22 konferansane startar i Bergen onsdag 14. februar på Scandic Hotel ved Flesland i Bergen.
Alle tilsette i kommunal og fylkeskommunal barnevernteneste som har informasjonsansvar og uttalerett i barnevernsaker er invitert til arbeidsseminaret i Bergen. Dei skal konkretisere planmessige informasjonstiltak i barnevernet basert på lokale og regionale tilhøve. Intensjonen er at deltakarane mellom anna skal få grunnleggjande kjennskap til informasjonsplanen for barnevernet. I tillegg skal deltakarane også få med seg attende til arbeidsplassen sin forslag til lokale informasjonstiltak med skisse for gjennomføring.
Målet med å satse på informasjonsplanen er mellom anna:
- Betre barneverntenesta sin dialog med brukarane og folket.
- Betre kunnskapsnivået om barneverntenesta sitt innhald, rettar og pliktar.
- Auke legitimiteten til barneverntenesta i Noreg.
Informasjonssekretariatet i Barne- og familiedepartementet kan gi meir informasjon på telefon 22 24 24 07.
Lagt inn 14 februar 1996 av Statens forvaltningstjeneste, ODIN-redaksjonen