Pressemelding
Barne- og familiedepartementet

24. juni 1996

Statsråd Grete Berget, Vekeplan - Veke 26/96

Tysdag 25. juni klokka 10.00 startar barne- og familieminister Grete Berget Landsforeningen for fritidsklubber sin stafett mot vald og mobbing - " Ung ressurs mot vold".

Målet med stafetten er å gi barn og unge som ønskjer å arbeide mot vald og mobbing i nærmiljøet sitt moglegheit til å gjennomføre tiltak og aktivitetar.

Starten føregår i Manglerud fritidsklubb sine lokale, Beiteveien i Oslo.

Eigen invitasjon til pressa vert sendt ut måndag.

Onsdag 26. juni er statsråden særskilt invitert som hovudtalar på eit større familiepolitisk ekspertmøte iHaag, Nederland. Politikarar, forskarar og representantar frå partane i arbeidslivet i Nederland deltek på konferansen.

Statsråden vil i innlegget sitt mellom anna kome inn på tema som foreldrepermisjon, fedrekvote, tidskonto og barnehageutbygging.

I samband med konferansen har også Nederlands sosialminister A.P.W. Melkert bedt om eit møte med barne- og familieminister Grete Berget for å drøfte utfordringar i familiepolitikken.

Ta gjerne kontakt for meir informasjon.

Med helsing
Informasjonssekretariatet - BFD