Pressemelding

Nr. 57/96, 15.10.1996

22 kommuner får omstillingsmidler

19 kommunar får til saman 10 millionar kroner i omstillingsmidlar i samband med omstruktureringa i Forsvaret

Forsvarsdepartementet og Kommunal- og arbeidsdepartementet har vald ut 19 kommunar som får tildelt til saman 10 millionar kroner i omstillingsmidlar for 1996. Kommunane blir følgd opp gjennom eit eige program. Omstillingsmidlane skal medverke til å etablere varige og lønsame arbeidsplassar og skape større variasjon i næringsgrunnlaget i kommunane, slik at levedyktige lokalsamfunn framleis kan bli oppretthaldne. Oppfølginga av kommunane blir samordna i Kommunal- og arbeidsdepartementet med anna arbeid for næringsutvikling og omstilling.

Den store omstruktureringa av organisasjonen og verksemda i Forsvaret får konsekvensar for mange kommunar. Nokre stader vil verksemder bli lagt ned, slått saman eller flytta. Regjeringa har difor frå 1994 sett av til saman 60 millionar kroner over ein treårs periode til omstillingsarbeidet i dei kommunane som blir sterkast ramma av omstillinga i Forsvaret.

Forsvarsdepartementet og Kommunal- og arbeidsdepartementet har i 1996 vald ut 19 kommunar som blir tilført inntil 10 millionar kroner for 1996. I 1994 og 1995 blei det sett av rekkjevis 30 og 20 millionar kroner. Sjå elles vedlagde detaljerte oversikt over tildelte omstillingsmidlar i perioden.