P R E S S E M E L D I N G
Justisdepartementet

22. desember 1995

Karen Alette Melander ny ekspedisjonssjef i Rednings- og beredskapsavdelinga

Karen Alette Melander er i Statsråd i dag utnemnd som ny ekspedisjonssjef i Rednings- og beredskapsavdelinga i Justisdepartementet.

Avdelinga vert oppretta frå 1. januar 1996 som følgje av omorganisering i departementet.

Karen Alette Melander, født i 1947, er cand. polit. frå 1974. Ho har i tillegg Forvaltningshøgskulen og hovudkurset ved Forsvaret sin høgskule. Frå 1980 har ho vore tilsett i Forsvarsdepartementet som byråsjef, underdirektør og frå 1989 som ekspedisjonssjef. Frå 1993 har ho vore leiar av administrasjonsavdelinga, med ansvar mellom anna for presse og informasjon.