Pressemelding

23.10.96

4,2 millionar kroner til bygging av kai ved Tiendholmen, Namsos

Kommunal- og arbeidsdepartementet har gitt Namsos kommune tilsegn om tilskot på inntil 4,2 millionar kroner i samband med at det skal byggjast ny kai ved Tiendholmen i Namsos.

Namsos er saman med Verdal og Rørvik peikt ut som dei mest sentrale hamnene i Nord-Trøndelag, der satsinga på hamneutvikling bør kanaliserast. Det kjem fram gjennom hamneplanen for Nord-Trøndelag, der desse hamnene er peikt ut som regionhamner.

Den planlagde utbygginga er kostnadsrekna til om lag 18,6 millionar kroner, og skal være første byggjesteg i ei komande hamneutvikling i Namsos.