Pressemelding

Kommunal- og arbeidsdepartementet

Oslo, 4.10.96

Statsbudsjettet 1997 nr. 9

Nytt sekretariat for bedriftshelsetenesta

Regjeringa gjer framlegg om 700.000 kroner til eit sekretariat for bedriftshelsetenesta i statsbudsjettet for 1997. Sekretariatet skal ha to stillingar, og vert knytta til Statens Arbeidsmiljøinstitutt.

• Vi meiner sekretariatet er eit nyttig verkemiddel for å få bedriftshelsetenesta til å fungere best mogleg, seier kommunal- og arbeidsminister Gunnar Berge.

Bedriftshelsetenesta er ein sentral ressurs i det førebyggjande arbeidsmiljøarbeidet i norske verksemder. Ordninga er samansett av mange små einingar som er spreidt utover landet, og fagpersonalet saknar ofte fagleg kontakt i sitt daglege arbeid.

Formålet med det foreslåtte sekretariatet er mellom anna å:

• bidra til fagleg utvikling og vegleiing av bedriftshelsetenesta
• koordinere innsatsen til bedriftshelsetenesta på utvalgte satsingsområder i samsvar med offentlege planar
• formidle informasjon om regelverk og faglege nyheiter.

Statens arbeidsmiljøinstitutt får ei viktig nasjonal og fagleg rolle for utvikling og koordinering av bedriftshelsetenesta.