Pressemelding

Kommunal- og arbeidsdepartementet

Oslo, 4.10.96

Statsbudsjettet 1997 nr. 5

Regjeringa følgjer opp satsinga på Oslo indre aust

• Regjeringa legg stor vekt på å følgje opp stortingsmeldinga om levekår og buforhold i storbyane og vedtak i Stortinget om ein handlingsplan for Oslo indre aust, seier kommunal- og arbeidsminister Gunnar Berge.
• Eg har invitert Oslo kommune til årlege kontaktmøte om utviklinga i Oslo indre aust, og bede kommunen om å utarbeide eit utkast til eit langsiktig handlingsprogram for betre levekår i dette området. Eg håpar det politiske fleirtalet i Oslo bystyre vil følgje opp dette på ein positiv og konstruktiv måte, seier Berge.
• Vi har foreslått 228 millionar kroner i tilskot til byforning og bustadtilskot i 1997. Tiltak i Oslo indre aust er høgt prioritert. Dette avheng av at Oslo kommune har ein plan for si medvirking, seier Gunnar Berge.

I budsjettproposisjon til Kommunal- og arbeidsdepartementet er det gitt eit samla oversyn over dei viktigaste statlege satsingane for Oslo indre aust i 1997:

• Vidare satsing på samarbeidsprosjektet Miljøbyen Gamle Oslo.
• Framleis sterk satsing på bustad- og byfornying.
• Samlokalisering av Riksteatret, Rikskonsertane og Riksutstillingar på Nedre Foss ved Akerselva.
• Kjøp og utvikling av eigedommar i Oslo indre øst med sikte på lokalisering av statlege etatar.
• Gjennomføring av fleire veg-, gang- og sykkelvegprosjekt.
• Generelle og spesielle arbeidsmarknadstiltak.
• Vidare satsing på førebyggjande politiinnsats og eige lokalområdepoliti, med særleg vekt på å kjempe mot kriminalitet som rammar unge og eldre.
• Støtte til frivillighetssentralar, særleg helseprosjekt og tiltak for rusmiddelprosjekt.
• Tilskot til tiltak for integrering og likebehandling av innvandrarar og til tilskot til lokale innvandrarorganisasjonar- og aktivitetar.
• Tilskot til ekstra språkopplæring for framandspråklege i barnehagar, skulen og for vaksne.
• Tilskot til ungdomstiltak og barnevern.
• Tilskot til ulike kulturtiltak i Oslo indre aust.

Oppfølgjing av handlingsprogrammet for Oslo indre aust

I brev frå kommunal- og arbeidsminister Gunnar Berge til Oslo kommune i mai i år inviterte statsråden til eit nært og forpliktande samarbeide og skreiv at det ikkje fra statens si side var realistisk å innarbeide dei budsjettmessige konsekvensane av ein handlingsplan i det ordinære budsjettframlegget for 1997. Oslo har ennå ikkje lagt fram forslag til ein handlingsplan, men byrået i Oslo bekreftar i budsjettframlegget for kommunene, at det vil bli utarbeida. Kommunalministeren avventar nå Oslo sitt arbeid.