Pressemelding Statsbudsjettet 1997

10/96, 4 oktober 1996

Sametinget får nytt bygg i Karasjok

Sametinget kjem godt ut av budsjettforslaget for 1997. Samla er det framlegg om å løyve 90,5 millionar kroner til Sametinget. Dette er 12,2 millionar meir enn i 1996, ein auke på 15,6 prosent.

• Regjeringa har foreslått 10 millionar kroner som startløyving til et nytt sametingsbygg i Karasjok, seier kommunal- og arbeidsminister Gunnar Berge. Kostnadsramma for sametingsbygget er rekna til 92,8 millionar kroner.
• Sametingsbygget skal forankrast i samiske kulturtradisjonar og ha eit særpreg som er eit parlamentsbygg verdig, seier Berge. Sametinget vil stå som eigar av bygget. Bygget vil også romme Samisk spesialbibliotek.

Regjeringa foreslår også å løyve 1 million kroner til Sametingets informasjonsarbeid i samband med sametingsvalget høsten 1997. Sametinget har utarbeida plan for ein informasjonskampanje som spesielt vil fokusere på å få fleire kvinnelege representantar på Sametinget. Det geografiske hovedsatsingsområdet er samiske kyst- og fjordområder, områder som har vore hardt utsett for fornorsking.

Løyvingane til dei tilskotsordningane Sametinget forvaltar, som er retta mot kultur, næringsutvikling og språktiltak, vert oppretthaldne.