Kontaktperson: Ekspedisjonssjef Hans B. Skaset, tlf. 22 34 80 50

Sperrefrist: fredag 07.04.1995, kl. 1130

Pressemelding 32/95, 07.04.1995

SPELEOVERSKOT TIL IDRETTEN

Fordelinga av idrettens del av overskotet i Norsk Tipping A/S for 1994 på 568 mill. kroner vart fastsett i statsråd fredag. 332,6 mill. kroner av midlane går til idrettsanlegg. Av dette går mesteparten, 197,5 mill. kroner, til idrettsanlegg i kommunane, 4,7 mill. kroner til helsesportanlegg, 1,1 mill. kroner til ombygging av anlegg med sikte på brukarar med handikap og 7,5 mill. kroner til anlegg for friluftsliv i fjellet.

15 mill. kroner går til riksanlegg og 68,3 mill. kroner til OL-anlegga på Lillehammer. Ski-VM '97 får 11,6 mill. kroner og Hall i Nord-prosjektet 16,2 mill. kroner. 10,5 mill. kroner er sett av til spesielle anlegg. I dette inngår mellom anna 5 mill. kroner til idrettsanlegg på Svalbard, 2,5 mill. kroner til idrettsanlegg ved Universitetet i Bergen og 3 mill. kroner til "Sørlandshallen", ein fotballhall i Kristiansand.

Til informasjon og utviklingsarbeid er det sett av 11,9 mill. kroner. Av dette får helsesport 3,2 mill. kroner. I tillegg går mellom anna 1,8 mill. kroner til idrettsforsking og 8,6 mill. kroner til antidopingarbeid. Friluftslivets felles- organisasjon får 1 mill. kroner i prosjektstøtte. 13,5 mill. kroner blir sett av til øyremerkte tiltak for barn, unge, kvinner, eldre og til storbytiltak.

Norges Idrettsforbund får 198,5 mill. kroner til m.a. eigne driftsutgifter, tilskot til idrettskrinsar og særforbund og til OL-deltaking.

Av dei øyremerkte midlane mottek Norges Idrettsforbund i tillegg 7,5 mill. kroner til barn/unge og kvinner, dessutan 6,8 mill. kroner til antidoping. I alt mottek såleis Norges Idrettsforbund 212,8 mill. kroner av det som er fordelt til idrettsformål for 1995.

Lagt inn 20 juni 1995 av Statens forvaltningstjeneste, ODIN-redaksjonen