Statsbudsjettet 1996 - Barn og unge prioritert

P R E S S E M E L D I N G
Kulturdepartementet

Kontaktperson: Ekspedisjonssjef  Sigve Gramstad, tlf. 22 34 80 00
Sperrefrist: 04.10.1995, kl. 1000
Pressemelding 73/95, 04.10.1995

STATSBUDSJETTET 1996

Barn og unge prioritert

Regjeringas prioritering av kulturtilbod for barn og unge blir vidareført i 1996. I budsjettframlegget for 1996 er det gjort framlegg om m.a. følgjande tiltak:

Norsk kulturfond blir styrkt med 3,3 mill. kroner til etablering av ei eiga innkjøpsordning for faglitteratur til barn og unge.

Det er gjort framlegg om etablering av Riksutstillingar i 1996 og 4 mill. kroner i netto budsjettauke. Den nye institusjonen vil mellom anna ta initiativ til å utvikle eit betre tilbod i kunstformidling til elevar i grunnskolen og den vidaregåande skolen.

Ordninga med tilskott til musikkverkstader for jazz, rock og folkemusikk vil bli vidareført med 10,2 mill. kroner i 1996.

Rikskonsertane held fram med konsertar for grunnskolen. Det er lagt inn ein auke på 1 mill. kroner for å utvide skoleverksemda til å omfatte om lag 10 nye kommunar.

Unge Riks er styrkt med 0,6 mill. kroner for å utvikle turnéverksemda for barn og unge.

For å styrkje arbeidet med å vidareføre tradisjonar og formidling av folkemusikk til nye generasjonar av musikarar, er det gjort framlegg om å auke tilskottet til Ole Bull Akademiet med 0,5 mill kroner til igangsetjing av meisterklassar ved Akademiet.

Ungdommens kulturmønstring får auka tilskottet sitt med 400 000 kroner.

Ordninga med prosjektstøtte til barne- og ungdoms- organisasjonar blir vidareført med 1,3 mill. kroner.

Midlane til barne- og ungdomsbokaksjonen blir vidareført med 400 000 kroner.

Statens bibliotekstilsyn vil setje i gang forsøks- verksemd og utviklingsarbeid innanfor områda 'barne- biblioteket i ei ny medieverd' og 'biblioteket som møteplass på tvers av kulturskilnader'.

Norsk kulturråd vil sikre drift av Pilotgalleriprosjekta ut 1996.

Pilotprosjektet "Kultur som strategi for utvikling av drabantbyer" held fram med tilskott frå Kulturdeparte- mentet. Prosjektet blir administrert av Norsk kulturråd.

Satsinga på filmsektoren held fram. Norsk film viser framgang etter fleire år med auke i midlane til film- produksjon. Produksjonen av filmar for barn og unge bør aukast.

Til vidare arbeid knytt til den treårige handlings- planen mot vald i biletmedia blir det foreslått 3,5 mill. kroner. Barn og unge er prioriterte mål- grupper.

Barn og unge skal få drive fysisk aktivitet ut frå eigne ønske og behov. I 1996 vil fleire tiltak frå 1995 bli vidareført med midlar frå speleoverskottet til idretts- formål:

• Prioritering av nærmiljøanlegg
• Øyremerkte midlar til barn og unge i regi av Norges Idrettsforbund
• Øyremerkte midlar til storbytiltak.

Samarbeidet mellom idretten i skolen og den frivillige organiserte idretten vil bli vidareført. Fysisk aktivitet vil gå inn som ein del av skolefritidstilbodet.

---

Lagt inn 4 oktober 1995 av Statens forvaltningstjeneste, ODIN-redaksjonen