Pressemelding Statsbudsjettet 1997

62/96, 4 oktober 1996

Kunstnarpolitiske tiltak

Kulturdepartementet vil i 1997 leggje fram ei stortingsmelding om arbeids- og inntektstilhøva til kunstnarane. I samband med meldinga vil departementet gje ei vurdering av dei eksisterande kunstnarpolitiske ordningane, mellom anna garantiinntektsordninga, ulike typar stipend og fleire ordningar for auka formidling av kunstnarleg verksemd.

Til stipend og garantiinntekter for kunstnarar blir det foreslått å løyve 111,5 mill. kroner i 1997. Av dette vil om lag 65,5 mill. kroner bli nytta til garantiinntekter. Det vil seie at om lag 510 kunstnarar vil motta garantiinntekt i 1997.

Det blir foreslått å auke arbeidsstipenda med 1 500 kroner til 99 000 kroner årleg per stipendmottakar. Talet på arbeidsstipend er foreslått auka frå 158 til 160.

Til auke av utgiftene til visingsvederlag, biblioteksvederlag og utsmykking av offentlege bygg blir det sett av om lag 7,2 mill. kroner.

Formidling av norsk musikkliv nasjonalt og internasjonalt blir styrkt med 1,5 mill. kroner i 1997 i form av støtte til Norsk Musikkinformasjon.

Departementet gjer framlegg om ein auke på 0,5 mill. kroner til styrking av den kunstnarstyrte formidlinga av biletkunst.

Satsinga på den nyetablerte institusjonen Riksutstillingar, som får ei løyving på 19,8 mill. kroner i 1997, inneber også ei vesentleg styrking av kunstformidlinga, som vil kome kunstnarane til gode.

Kontaktperson: Ekspedisjonssjef Sigve Gramstad, tlf 22 24 80 00