Pressemelding Statsbudsjettet 1997

78/96, 4 oktober 1996

Omlegging av utsmykkingsordningane skal vurderast

Til utsmykking av offentlege bygg blir det foreslått 20,2 mill. kroner i 1997.

2 mill. kroner blir øyremerkte til utsmykking av det nye Rikshospitalet. 1 mill. kroner blir foreslått sett av til ei ny innkjøpsordning slik at utsmykkingsordninga også kan omfatte statlege leigetakarar og gamle statlege bygg.

I dag blir i gjennomsnitt om lag 0,5 prosent av byggjesummen til statlege bygg nytta til utsmykking. Intensjonane om 1 prosent til utsmykking blir ikkje følgde opp. Løyvingane til Utsmykkingsfondet for offentlege bygg har ikkje auka i takt med auken i det statlege byggjevolumet.

Kulturdepartementet vil kome tilbake med nærare retningsliner for utsmykkings-

verksemda i samband med salderingsproposisjonen for 1997. Som eit alternativ til dagens opplegg vil departementet vurdere å etablere ei ordning der løyvingane til utsmykking følgjer det statlege byggejevolumet, og kostnadene til utsmykking blir lagde inn i kostnadsramma for det einskilde byggjeprosjektet.

Kvaliteten på utsmykkingane varierer i dag sterkt. Det er ønskjeleg å auke standarden på utsmykkingane og sjå til at brukarane får eit godt forhold til kunsten. Det er særs viktig at utsmykkingane når dei målgruppene dei er tiltenkt, og at brukarane blir tekne med på råd.

Kontaktperson: Ekspedisjonssjef Sigve Gramstad, tlf. 22 24 80 00