P R E S S E M E L D I N G
Kirke-, utdannings- og forskningsdepartementet

Informasjonssjef Marit Viggen, telefon 22 34 74 09, privat 22 56 55 51
Informasjonskonsulent Jon Aarekol, telefon 22 34 74 17, privat 22 22 44 84

Nr. 101-95, 15. desember 1995

Sunnivastipendet utdelt for første gong

Sunnivastipendet vart delt ut for første gong ved ei tilstelling i Kirkerådet i Oslo fredag. Stipendet skal gå til medlemmer av valde kyrkjelege råd, kyrkjelydsråd, bispedømmeråd eller Kyrkjerådet. Stipendsummen er på til saman 350 000 kroner.

Sunnivastipendet for 1995 er delt mellom tre ulike prosjekt:

Amanuensis Ingrid Gjertsen ved Arne Bjørndals samling for folkemusikk ved Universitetet i Bergen får 125 000 kroner til prosjektet "Den religiøse folkesangtradisjonen - en kilde til fornyelse av kirkens liv". Gjennom prosjektet vil ho m.a. analysere delar av folkesongtradisjonen med særkilt vekt på forholdet mellom musikalsk uttrykk og fromhetslivets uttrykksformer. Vidare vil prosjektet ta sikte på å drøfte korleis folkesongtradisjonen kan gjere dagens gudstenesteliv rikare.

Høgskolelærar Karin Brunvathne Bjerkestrand frå Stavanger får tildelt 150 000 kroner til prosjektet "Bruk av drama i gudstjenesten". Bjerkestrand har i fleire år arbeidd med å utvikle bruken av drama i gudstenesta i kyrkjelyden i Hundvåg i Stavanger. Gjennom prosjektet vil ho systematisere og vidareutvikle eigne og andre sine røynsler på dette området. Prosjektet vil særleg drøfte spenningsfeltet mellom det estetisk-faglige og det teologisk-faglege som vert reist i samband med bruk av drama i gudstenesta.

Lærar Solveig Anmarkrud og ergoterapeut Berit Vehusheia frå Dovre får tildelt 75 000 kroner til prosjektet "Utforme opplegg for pilgrimsvandringer, til hjelp for menigheter og grupper som ønsker å forberede og arrangere slike vandringer". Dovre er eit viktig sentrum for utvikling av pilgrimstradisjonar i vår tid, og Anmarkrud og Vehusheia har stått sentralt i dette arbeidet. Gjennom dette prosjektet ønskjer dei å kartleggje historisk kjeldemateriale som seier noko om pilgrimsperspektivet i forståing av dagens samfunn og utarbeide eit rettleiingshefte for kyrkjelydar som vil ta i bruk pilgrimstradisjonen.

Dette hadde meldt seg 10 søkjarar til Sunnivastipendet då fristen gjekk ut. Av desse var 9 kvinner.