Pressemelding

Nr. 082, Dato 4. oktober

7,1 MILLIARDAR TIL STIPEND OG SOSIALE FØREMÅL

Kyrkje-, utdannings- og forskingsdepartementet gjer framlegg om å løyve om lag 7,1 milliardar kroner til stipend og sosiale føremål.

Det vert m a gjort framlegg om ..

• ..å halde fram med ordninga med å ettergi studielån etter fullføring av langvarige studiar.
• ..eit tilskot til å byggje 325 nye studentbustader/einingar.
• ..å halde oppe tilskot til sosial- og rådgivingsteneste på 2 millionar kroner.
• ..at stipenddelen over aldersgrensa i høgre utdanning skal haldast oppe på 26 prosent i undervisningsåret 1997-98.
• ..ordninga med rett til stønad for fjernundervisningsstudentar vert ført vidare.
• .. at aldersskiljet for elevar som har fått utsett skulestart etter sakkunnig vurdering, vil i samband med Revidert nasjonalbudsjett bli heva til 20 år frå hausten 1997.
• ..stipenddelen for studentar under kunstfagstipendordninga blir redusert frå om lag 66,6 til om lag 35,5 prosent. For studentar ved tidlegare Statens teaterhøgskole blir stipenddelen redusert frå om lag 46,7 til 26 prosent.
• ..kostnadsnorma for livsopphald til studentar aukar med 2,25 prosent.
• Departementet tek sikte på å leggje fram ei stortingsmelding om studiar i utlandet rundt årsskiftet 1996/97.

Pressekontaktar:

Ekspedisjonssjef Jan S. Levy, tlf. a 22 24 77 00, p. 22 50 62 72
Avdelingsdirektør Hans Jørgen Gjertsen, tlf. a 22 24 77 02, p 22 73 29 78