Pressemelding

Nr. 080-96, Dato 4. oktober

966 MILLIONAR TIL VAKSENOPPLÆRING

Kyrkje-, utdannings- og forskingsdepartementet gjer framlegg til om å løyve966 millionar kroner til "anna vaksenopplæring". Det vert løyvt midlar til opplæring for vaksne på andre område i budsjettet, særleg i vidaregåande opplæring og høgre utdanning. I tillegg kjem den opplæringa som kommunane og fylkeskommunane har ansvar for og som er finansiert gjennom rammetilskot.

Det er sett av midlar for at også asylsøkjarar kan få opplæring i norsk med samfunnskunnskap. Det er ein føresetnad at alle deltakarane skal avslutte opplæringa med ei språkprøve.

Løyvingane til studieforbunda gir med ein viss reduksjon høve til om lag same omfang på opplæringa i 1997 som i 1996.

Løyvingane til folkehøgskolane er noko redusert hovudsakleg som følgje av at tre skolar har stansa drifta.

Det er ein reduksjon i tilskotet til fjernundervisning. Driftsløyvinga til Norsk fjernundervisning vert ført vidare.

Departementet vil arbeide med sikte på å knyte Norsk vaksenpedagogisk forskingsinstitutt til Noregs teknisk-naturvitskaplege universitet.

Pressekontaktar:

Ekspedisjonssjef Stig Klingstedt, tlf. a 22 24 76 60, p 66 91 76 96
Avdelingsdirektør Morten Lauvbu, tlf. a 22 24 76 62, p 32 70 03 02