Framlegg til endringar i friluftslova

PRESSEMELDING

23. februar 1996

FRAMLEGG TIL ENDRINGAR I FRILUFTSLOVA

Friluftslova blir modernisert på ei rekke punkt, dersom dei endringar regjeringa gjer framlegg om får tilslutning i Stortinget. Meir mynde blir lagd til kommunane. Framlegget til endringar i lov om friluftslivet som passerte statsråd fredag medfører m. a. tilpasningar til ny kommunelov.

Endringane vil styrke dei offentlege styresmaktene sitt ansvar for friluftslivet. Ordninga med særskilte fylkesfriluftsnemnder og kommunale friluftsnemnder fell bort, men same ansvar og mynde blir i staden lagt til kommunen, fylkeskommunen og fylkesmannen.

Det blir gjort framlegg om å innføre ein føremålsparagraf i lova, der målsettinga med friluftspolitikken kjem fram. Føresegna om ferdselskultur blir endra slik at omsynet til miljøet kjem tydlegare fram. Dei grunneigarar som vil ta avgift for å gi tilgang til opparbeida friluftsområder må hente inn løyve frå kommunen.I framtida kan kommunane fastsette framferdsreglar for alle typer utfartsområder, også på statsgrunn.

For ytterligere informasjon kontakt: Førstekonsulent Marit Tofte -telefon 22245894