256 MILIONAR KRONER TILSAMARBEIDSPROGRAMMET FOR AUST-EUROPA
Historisk arkiv
Publisert under: Regjeringen Brundtland III
Utgiver: Utenriksdepartementet
Pressemelding | Dato: 04.10.1996 | Sist oppdatert: 21.10.2006
Pressemelding
119/96
4. oktober 1996
256 MILIONAR KRONER TILSAMARBEIDSPROGRAMMET FOR AUST-EUROPA
Regjeringa legg til grunn ein einheitleg strategi for vidareføring av den norske støtta til dei nye demokratia i Sentral- og Aust-Europa, med særleg vekt på dei norske nærområda i Nordvest-Russland og Baltikum. Satsinga vil bygje på politisk kontakt, økonomisk samkvem og kulturutveksling, og det skal setjast av 256 millionar kroner til samarbeidsprogrammet.
Andre verkemiddel i støtta til den politiske og økonomiske reformprosessen er Handlingsplanen for atomsaker, Barentssamarbeidet og Austersjøsamarbeidet, Garantiordninga for eksportkredittar og investeringar i SUS-landa og Baltikum.
Under samarbeidsprogrammet i 1997 vert det gjort framlegg om følgjande løyvingar:
Demokratibygjande tiltak : | 35,9 mill.kroner |
Miljøtiltak i Aust-Europa : | 100,0 mill.kroner |
Prosjektsamarbeid med Aust-Europa : | 120,0 mill.kroner |
SUM | 255,9 mill.kroner |
-Under løyvinga til demokratibygjande tiltak vil det bli gjennomførd konkrete tiltak og prosjekt som fremjer frie val, prinsippa for rettsstaten og respekt for grunnlegjande menneskerettar, seier handelsminister Grete Knudsen i ein kommentar.
Når det gjeld miljøtiltak vil ein leggje vekt på overføring av kunnskap og teknologi både i privat og offentleg regi. Gjennom denne støtta ønskjer ein å betre miljøsituasjonen i Sentral- og Aust-Europa og redusere miljøtrusselen frå radioaktiv og anna ureining frå desse landa.
-Løyvinga til prosjektsamarbeid skal fremje ei levedyktig næringsverksemd i reformlanda. Dette håpar vi å få til gjennom kompetansebygging og teknologioverføring, auka samhandel og norske industrietableringar i Sentral- og Aust-Europa, seier handelsministeren.
Vidare vert det lagt vekt på å styrkje infrastrukturen i reformlanda med omsyn til kommunikasjonar, bank- og finansvesen med vidare. Det vil også bli gjeve stønad til samarbeid innanfor utdanning og forsking og på helse- og sosialområdet.
Lagt inn 4. oktober 1996 av Statens forvaltningstjeneste, ODIN-redaksjonen