Pressemelding

Nr.114/96
27. september 1996

Noreg sluttar seg til konvensjonen om harmonisering av metodar for analyse og vurdering av vin

I Statsråd i dag vart det vedteke at Noreg skal tiltre konvensjon av 13. oktober 1954 om harmonisering av metodar for analyse og vurdering av vin.

Tilmeldinga er ei følgje av at Noreg har vore medlem i Det internasjonale vinkontoret sidan 1993. Med tilmeldinga til konvensjonen får Noreg røysterett i underkomiteen for kjemiske analysemetodar i Det internasjonale vinkontoret. Noreg har slutta seg til EUs reglar om analysemetodar for vin og brennevin ved EØS-avtala. Desse reglane vert utarbeidde i underkomiteen for kjemiske analysemetodar.