Svein Ragnar Kristensen har brei erfaring frå statleg sektor. Han arbeidde i Kommunal- og arbeidsdepartementet frå 1973 til 1977. Frå 1977 til 1984 arbeidde han som underdirektør og leiar av Administrativ avdeling i Direktoratet for arbeidstilsynet. Frå 1985 til 1996 var Kristensen tilsett som avdelingsdirektør for Administrasjonsavdelinga i Rikstrygdeverket. Han var også mellombels ansvarleg trygdedirektør frå 1991.

Sidan februar 1996 har Kristensen vore tilknytt Skattedirektoratet. Han blei fyrst tilsett som avdelingsdirektør for Administrasjonsavdelinga. Frå 1. mai 2000 var han områdedirektør for fastsetjingsområdet og mellombels ansvarleg skattedirektør.

Finansdepartementet tilsette Svein Ragnar Kristensen mellombels som skattedirektør for inntil eitt år frå 1. juli 2006.