Fiskeri- og kystdepartementet har fastsett regulering av fisket etter breiflabb i 2007. Regelverket for breiflabbfisket vert i hovudsak ført vidare i 2007, med unntak av fredningsperioden nord for 67°N som er utvida til fem månader, samt ei innstramming av bifangstregelen i trålfisket frå 25 til 20 prosent.

Norske fartøy kan fiske med inntil 500 garn. Det er forbode å fiske med garn nord for 67°N i perioden frå og med 20. desember til og med 20. mai. I området mellom 62°N og 67°N gjeld forbodet frå og med 1. mars til og med 20. mai.

Forbodet mot å fiske breiflabb med garn direkte med konsumtrål og snurrevad vert vidareført i 2007. Bifangstprosenten for breiflabb i fiske etter andre artar med konsumtrål og snurrevad vert endra til 20 %.

•  Forskrift om regulering av fisket etter breiflabb i 2007