Regulering av fisket etter reker i Nordsjøen og Skagerrak i 2007
Historisk arkiv
Publisert under: Regjeringen Stoltenberg II
Utgjevar: Fiskeri- og kystdepartementet
Pressemelding | Dato: 18.12.2006 | Sist oppdatert: 07.01.2007
Fiskeri- og kystdepartementet har fastsett forskrift om regulering av fisket etter reker i Nordsjøen og Skagerrak i 2007. Den norske totalkvoten for 2007 er på 9331 tonn, som er ein auke på 370 tonn i forhold til inneverande år. Av dette kan 3916 tonn fiskast i norsk sone i Nordsjøen og 5415 tonn i Skagerrak.
Pressemelding
Nr.: 121/2006
Dato: 18.12.06
Kontaktpersoner: Ekspedisjonssjef Johán H. Williams, tlf. 22246440, og avdelingsdirektør Kirsti Henriksen, tlf. 22246491
Regulering av fisket etter reker i Nordsjøen og Skagerrak i 2007
Fiskeri- og kystdepartementet har fastsett forskrift om regulering av fisket etter reker i Nordsjøen og Skagerrak i 2007. Den norske totalkvoten for 2007 er på 9331 tonn, som er ein auke på 370 tonn i forhold til inneverande år. Av dette kan 3916 tonn fiskast i norsk sone i Nordsjøen og 5415 tonn i Skagerrak.
Reguleringane for inneverande år vert vidareførde i 2007. Det inneber at den samla kvoten kan fiskast over tre periodar. I den første perioden fram til 30. april kan 40 prosent av den samla kvoten fiskast, i dei to neste periodane 30 prosent i kvar periode. Maksimalkvoten for det einskilde fartøyet er sett til 50 tonn i første periode og 40 tonn i kvar av dei etterfølgjande periodane. Fiskeridirektoratet vil følje utviklinga i fisket i andre periode og vurdere ei auking av maksimalkvotene.
Fartøy under 20 meter største lengde kan halde fram fisket innanfor eit garantert kvantum på 7 tonn i kvar av dei tre periodane, sjølv om periodekvotene er oppfiska.
Det einskilde fartøy sitt fiske er avgrensa til 4 tonn reker pr. tur, og helgedagsfredinga vert vidareført.