Gabrielsen konstituert som avdelingsdirektør

Elisabeth Nordgård Gabrielsen er i statsråd konstituert som avdelingsdirektør i Fiskeri- og kystdepartementet. Gabrielsen skal arbeide i Fiskeri- og havbruksavdelinga som har ansvar for saker som gjeld fiskeria, fiskeflåten og havbruksnæringa.

Gabrielsen er 38 år og utdanna jurist. Ho skal leie seksjon for fiskeriforvaltning. Seksjonen har nasjonalt og internasjonalt ansvar for fiskeripolitikk, medrekna årlege fiskerireguleringar og regelverk om den praktiske utøvinga av fisket. Det dreiar seg mellom anna om kvoteforhandlingar, internasjonale fiskeriavtalar og ulovleg, urapportert og uregistrert fiske.

Gabrielsen blei tilsett i Fiskeri- og kystdepartementet i 2001. Ho har i hovudsak arbeidt med saker knytt til fiskeriforvaltning, og har i periodar fungert som avdelingsdirektør i seksjonen.