Aktiver Javascript i din nettleser for en bedre opplevelse på regjeringen.no

Historisk arkiv

Kulturtiltak i Vestfold får fast støtte

Historisk arkiv

Publisert under: Regjeringen Stoltenberg II

Utgiver: Kultur- og kirkedepartementet

Pressemelding

Nr.: 150/06
Dato: 06.10.2006

Kulturtiltak i Vestfold får fast støtte

Forslaget til statsbudsjett for 2007 inneber ein auke til ulike kulturtilbod i Vestfold med vel 5 millionar kroner.

Tre nye kulturtiltak i Vestfold er foreslått med faste tilskot: Vestfold Festspillene med to millionar kroner, Thor Heyerdahl-instituttet med ein million kroner og Stella Polaris med 0,5 millionar kroner.

- Vestfold Festspillene formidlar musikk av høg kvalitet til eit stort publikum.

Regjeringas mål er å fremje det regionale kulturlivet for å auke mangfaldet og nyskapinga i Noreg. Difor styrkjer vi tilskota til kulturinstitusjonar i Vestfold, seier kultur- og kyrkjeminister Trond Giske.

Auken til kulturinstitusjonar i Vestfold er fordelt slik:
0,5 millionar til Preus museum
0.26 millionar kroner til Haugar Vestfold Kunstmuseum
0.19 millionar kroner til Vestfold fylkesmuseum
0,18 millionar kroner til Nord-Jarlsbergmusea
0,23 millionar kroner til Sandefjordmusea

- Kulturlyftet betyr at ein satsar på kultur i Vestfold. Det skal koma alle til gode, seier kultur- og kyrkjeminister Trond Giske.

Mange andre ordningar under Kulturrådet vil også koma Vestfold til gode. Festivalstøtte, ensemblestøtte, korsatsing, korpsstøtte og rockesatsinga er tiltak som skal fordelast over heile landet.

Til toppen