Regjeringa vil gjennomføre eit distriktspolitisk løft. Målet er å leggje til rette for likeverdige levekår og oppretthalde hovudtrekka i busettingsmønstret. Det er sett av 1 062, 03 millionar kroner til fylkeskommunane for regional utvikling i 2006.

– Med denne auken vil fylkeskommunane få eit større handlingsrom, både til å gjeninnføre kommunale næringsfond og til å styrke dei bedriftsretta verkemidla gjennom Innovasjon Noreg, seier Kommunal- og regionalminister Åslaug Haga.

Regjeringa er oppteken av å styrke kommunane sin rolle i distriktspolitikken. Kommunale næringsfond er eit viktig verkemiddel for å styrke lokalt utviklingsarbeid. Det er difor lagt til grunn ei ramme på 100 millionar kroner for å gjeninnføre kommunale næringsfond. Løyvinga inngår som ein del av skjønnstildelinga til fylkeskommunane.

Regjeringa er også oppteken av å styrke løyvingane til direkte bedriftsretta verkemiddel gjennom Innovasjon Noreg. Det er stor etterspurnad etter ordningar som investeringstilskot, bedriftsutviklingstilskot og etablerarstipend.

Fordelinga blir slik (tal i millionar kroner):

Oppland si ramme inngår i forsøket Fritt fram. Fritt fram er eit utviklingsprosjekt der fylkeskommunen har fått råderett over fleire statlege midlar. Målet er betre målretting og auka fleksibilitet i bruken av regionale utviklingsmidlar, samt å styrke dei folkevalde organa lokalt og regionalt. Samla ramme til Oppland er 80,413 millionar kroner.

Kommunal- og regionaldepartementets pressetelefon: 22 24 25 00.

www.krd.dep.no