Frank Arne Leiros (24) er kåra til Noregs beste tømrar

- Frank Arne Leiros har utmerka seg som ein kvalitetsmedviten tømrar, som inspirerar lærlingar og andre kollegaer gjennom si interesse for tømrarfaget, seier kommunal- og regionalminister Liv Signe Navarsete.

Av til saman 235 kandidatar, har juryen samrøystes kåra Frank Arne Leiros frå Arendal til vinnar av Den gylne spikerpistol – prisen for godt handverk. Dei meiner han står i ein særklasse når det gjeld å inspirere andre – både fagleg og sosialt.

Statsråden reiser i dag til Arendal for å overrekkje prisen – ein forgylt spikerpistol, diplom og eit stipend på 30.000 kronar.

Leiros har jobba hjå Byggmeister Asle Thorsen sidan han gjekk i tiande klasse. Han har tatt sveinebrev i tømrarfaget, og er no i gang med meisterbrevet. Thorsen omtalar Leiros som nyfiken og svært interessert i faget sitt. I nominasjonen står det i tillegg at han er ein stor motivasjonsfaktor og eit førebilde for andre medarbeidarar.

I tillegg til vinnaren, får dei to kandidatane Steven Choat frå Stavanger og Jørn Håkon Helgerud frå Drammen heiderleg omtale, diplom og eit stipend på 10.000 kronar.

• Juryen si grunngjeving

 

Det ligg fleire bilder på departementet sine Flickr-sider.

Kommunal- og regionaldepartementet sin pressetelefon: 22 24 25 00.