Utvikling av nordnorsk reiseliv

- Norsk reiseliv står overfor mange utfordringar. Men me har også mange gode eksempel på korleis me kan trekkja reisande til Noreg, sa nærings- og handelsminister Odd Eriksen då han deltok på Nord i Sør-konferansen på hurtigruteskipet Midnatsol torsdag. - Mange av dei gode eksempla finn me i Nord-Noreg, sa Eriksen.

Aktørar frå reiselivet i Nord-Noreg var torsdag samla på hurtigruteskipet Midnatsol, som då låg til kai i Oslo. Saman med politikarar og andre diskuterte dei utfordringane det nordnorske reiselivet står overfor.

- Visjonane for reisemålet Noreg er at me skal ta ein større del av den internasjonale veksten i reiselivet, sa Eriksen.

Eriksen peika på at samarbeid mellom næringane, offentlege styresmakter og virkemiddelapparatet i mange tilfelle har vist seg å vera svært vellukka, også i nord. - Dersom me også i framtida skal klara å snu utfordringar til moglegheiter, må me sjå meir av denne typen partnerskap, sa Eriksen.

Les statsrådens tale her:
http://odin.dep.no/nhd/norsk/aktuelt/taler/minister/024151-090007/dok-bn.html

Statsråd Odd Eriksen under Nord i Sør-konferansen på Hurtigruta.

13. januar 2006