Ny avtale med Kina viktig for norsk næringsliv
Historisk arkiv
Publisert under: Regjeringen Stoltenberg II
Utgiver: Nærings- og handelsdepartementet
Pressemelding | Dato: 18.09.2006 | Sist oppdatert: 29.10.2006
Det skal bli enklare for norske bedrifter å investera i Kina. Noreg og Kina underteikna i dag ein avtale om å oppretta ei arbeidsgruppe for fremje av investeringar.
Pressemelding
Nr.: 65/06
Dato: 18. september 2006
Kontaktperson: Informasjonsrådgjevar Arvid Samland, tel. 93
05 14 58
Ny avtale med Kina viktig for norsk næringsliv
Det skal bli enklare for norske bedrifter å investera i Kina. Noreg og Kina underteikna i dag ein avtale om å oppretta ei arbeidsgruppe for fremje av investeringar. Arbeidsgruppa vil vera viktig for norsk næringsliv med aktivitetar i Kina og norske bedrifter som ønskjer å gå inn i den kinesiske marknaden.
Avtalen vart underteikna i samband med at den kinesiske handelsministeren Bo Xilais besøk i Noreg. Det er første gong ein kinesisk handelsminister besøkjer Noreg.
– Om lag 200 norske bedrifter har i dag aktivitetar i Kina. Den nyoppretta arbeidsgruppa skal bidra med hjelp når bedriftene møter konkrete utfordringar som har med investeringar å gjera. Gruppa vil også arbeida med generelle problemstillingar i samband med investeringar i Kina og Noreg, seier nærings- og handelsminister Odd Eriksen.
Kina er Noregs største handelspartner i Asia. Første halvår 2006 eksporterte me varer til Kina for over 7 milliardar kroner. Det er ein auke på 200 % i høve til første halvår 2005. Dei viktigaste eksportvarene til Kina er olje, fisk, maskiner, organiske kjemikaliar, medisinske instrument, nikkel og aluminium.
I møtet med handelsminister Bo Xilai tok Eriksen opp det sentrale temaet om ein eventuell frihandelsavtale mellom Kina og EFTA. Regjeringa prioriterer å få til ein slik avtale, og Eriksen fremja ønskje om å få i gang ein slik prosess.
– Ein frihandelsavtale med Kina vil opna for betre marknadstilgang og auka eksport for norske bedrifter, seier Eriksen.