Utdrag frå statsråd Odd Roger Enoksens kalender for veke 36

Under følgjer olje- og energiministerens program for dei neste to vekene slik det ser ut i dag. Vi gjer merksam på at avtaler fort kan endra seg. Oppdateringar blir lagt ut etter kvart på statsrådens kalender på regjeringa.no/oed.

Måndag 3. september
Odd Roger Enoksen held innlegg på årets LO-VE-konferanse i Stokmarknes, Vesterålen, som går av stabelen frå klokka 13.00 til 17.30 på Hurtigrutens Hus. Tittelen på statsrådens innlegg er ”Petroleumsverksemd – drivkraft for utvikling i nord”. Konferansen vert arrangert av Lofoten og Vesterålen Petro. Årets hovudtema er ”skal vi opne havområda under Lofoten og Vesterålen for petroleumsverksemd?”. Blant dei andre deltakarane er Siv Jensen  (FrP), Gunnar Kvassheim (V), Ola Borten Moe (Sp) og  Helge Lund (Statoil).

Pressekontakt er Janne Skjelmo Nordås (97063651) og Anne Tingelstad Wøien (90284261).

Onsdag 5. til torsdag 6. september
Statsråden vil være to dagar i Stavanger-regionen. Onsdag morgon klokka 09.00 gjester han Risavika Gas Centre der han skal leggje ned grunnsteinen til eit nytt gassenter. Her vil statsråden vere tilgjengeleg for pressa. Klokka 12.00 drar Enoksen til Statoils hovudkontor der han mellom anna vil møte konserndirektørane Eldar Sætre, Margareth Øvrum og Rune Bjørnson. Det vil være mogeleg for pressa å møte statsråden i etterkant av besøket hos Statoil, om lag klokka 14.00. Klokka 14.30 vil statsråden gjeste  Keppel Norway AS i Sandnes. Pressa inviterast til å delta. Det vert ei kort vitjing hos Petoro A/S klokka 16.00, før Enoksen får omvisning hos Norsk Oljemuseum klokka 17.00.00. Pressa er invitert til å delta.

Torsdag den 6. september får Enoksen ein presentasjon av forskingsprosjektet Thyphon Valve and Development Testing hos Trygve Husveg på Jæren. Husveg har utvikla kunstige tyfonar i ein ventil for å mellom anna å kunne auke levetida for felt. Vidare held statsråden klokka 12.00 ei gjesteforelesing på Universitetet i Stavanger (UiS). Statsråden avsluttar opphaldet i Stavanger klokka  14.00 ved å opne Eni Noreg sitt nye kontor. Pressa inviteras til å delta heile dagen, men Eni Noreg må kontaktast for dei som ynskjer å delta på opninga.