Samferdselsminister Liv Signe Navarsete til Brussel

Samferdselsminister Liv Signe Navarsete er i Brussel 6. og 7. februar. Der skal ho blant anna ha møte med Jacques Barrot, visepresident i EU- kommisjonen og kommisjonsmedlem med ansvar for transport. Deregulering av kollektivtransport, liberalisering av jernbanedrift, spørsmål innanfor luftfart og trafikktryggleik, vil vere hovudtema for møtet. I tillegg skal ho drøfte telepolitikk med Viviane Reding, kommisjonsmedlem med ansvar for informasjonssamfunn og media.

Samferdselsministeren skal også ha samtalar med president Bjørn T. Grydeland i ESA (EFTA Surveillance Authority).

Desse er med i følgjet til samferdselsministeren:

Statssekretær Steinulf Tungesvik, politisk rådgivar Erik Lahnstein, avdelingsdirektør Tore Raasok og seniorrådgivar Tone Austestad, alle frå Samferdselsdepartementet. Ambassadør Oda Helene Sletnes og samferdselsråd Olav Grimsbo, begge frå den norske EU- delegasjonen i Brussel.

Til redaksjonane
Statsråden vil vere tilgjengeleg for pressa tysdag 7. februar frå kl. 17 i EU- delegasjonen, Rue Archimede 17, 1000 Brussel. Ho kan òg treffast via telefon til politisk rådgivar Erik Lahnstein, 90 56 28 93.