Rv 55 Gullringen: Rassikring skal framskundast
Historisk arkiv
Publisert under: Regjeringen Stoltenberg II
Utgjevar: Samferdselsdepartementet
Pressemelding | Nr: 82/07 | Dato: 04.09.2007
Samferdselsdepartementet har i dag sagt ja til at Luster kommune i Sogn og Fjordane får forskottere anleggskostnadane til rassikringsprosjektet Gullringen på riksveg 55 mellom Dale og Skjolden.
Samferdselsdepartementet har i dag sagt ja til at Luster kommune i Sogn og Fjordane får forskottere anleggskostnadane til rassikringsprosjektet Gullringen på riksveg 55 mellom Dale og Skjolden.
- Denne strekninga er rasutsett både om sommaren og vinteren, og det er gledeleg at kommunen har teke initiativ slik at ein kjem i gong med sikringa av vegen tidlegare enn det som opphavleg var planlagd, seier samferdselsminister Liv Signe Navarsete.
Prosjektet går ut på å byggje om lag 1800 meter ny veg, der 1200 meter av vegen går gjennom ein tunnel. Kostnadsoverslaget er på om lag 98 millionar kroner. Tilbakebetaling frå staten skal skje i 2016-2017, utan kompensasjon for renter og prisstigning. Prosjektet har allereie ein godkjent reguleringsplan, og anleggsarbeida tek til hausten 2008.