Bidragslanda til Sri Lanka Monitoring Mission (SLMM), Danmark, Finland, Island, Norge og Sverige, fordømmer åtaket fredag 13. januar på kontoret til SLMM i Batticaloa. Åtaket på Sri Lanka Monitoring Mission er uakseptabelt.

Sri Lanka Monitoring Mission er ein upartisk sivil observatørstyrke som overvaker våpenkvileavtalen mellom styresmaktene i Sri Lanka og Dei tamilske tigrane (LTTE) etter invitasjon frå avtalepartane. SLMM har alltid nytt tillit i det srilankiske folk og har samarbeida godt med avtalepartane. Bidragslanda til SLMM forventar at partane i samsvar med våpenkvileavtalen vernar om tryggleiken til SLMM og gir observatørstyrken høve til å utføre utan hindringar dei oppgåvene som partene har pålagt SLMM i våpenkvileavtalen.

Sprengstoff gjekk av under eit kjøretøy på SLMM sitt område i Batticaloa. Dette skapte alvorlege materielle skadar på fire av SLMM sine kjøretøy. Ingen personar kom fysisk til skade.