Pressemelding

Nr.: 39/06
Dato: 17.03.06

Jon Hanssen-Bauer ny spesialutsending til fredsprosessen i Sri Lanka

Jon Hanssen-Bauer er engasjert til å fungere som Noreg sin spesialutsending til fredsprosessen i Sri Lanka. Han vil stå for det daglege arbeidet med Noreg si rolle som tilretteleggar for fredsprosessen i Sri Lanka. Hanssen-Bauer vil rapportere til utviklingsminister Solheim. Utviklingsministeren vil leie arbeidet, vitje Sri Lanka jamnleg og ha ansvaret for Noreg som tilretteleggar for fredsprosessen. Noreg sin ambassadør til Sri Lanka, Hans Brattskar, vil halde fram med å vere den daglege kontakten for partane i Sri Lanka.

- Det er svært gledeleg at Jon Hanssen-Bauer har påteke seg dette oppdraget, seier utviklingsminister Solheim. - Hanssen-Bauer er med sine faglige og praktiske erfaringar svært godt kvalifisert. – Han har vore engasjert i fred og forsoningsarbeid i fleire land – dette gjer meg overtydd på at han vil gjere ein god jobb for partane, seier utviklingsministeren.

Partane i fredsprosessen i Sri Lanka, styresmaktene i Sri Lanka og dei tamilske tigrane (LTTE), er informert.

Pressekontakt: Informasjonssjef Espen Gullikstad, +47 917 08 122