2.- 4. mars vart det arrangert eit høgnivåsymposium om "The changing Arctic" i Ny-Ålesund. Det vart opna av statssekretær Karin Yrvin i Nærings- og handelsdepartementet, med innleiingar frå kunnskapsminister Øystein Djupedal, statssekretær Henriette Westhrin i Miljøverndepartementet og statssekretær Kjetil Skogrand i Utanriksdepartementet.

Representantar frå ei rekkje land var tilstades, mellom anna Storbritannia, USA, Frankrike, Canada og Russland, samt Europaparlamentet. Her diskuterte forskarar og politikarar saman med folk frå næringslivet utfordringane for eit Arktis i endring.

"Klima-endringane i Arktis har ikkje berre alvorleg innverknad på denne sårbare regionen, men på heile kloden", heiter det i ein felles uttale frå symposiet.

 (Heile teksten er vedlagt.)

Utanriksdepartementet, Miljøverndepartementet, Kunnskapsdepartementet, Nærings- og handelsdepartementet og Norges Forskningsråd var medarrangørar, medan Kings Bay AS var teknisk arrangør.