FAO sin matvareprisindeks gjekk ned i juli
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 20.08.2018
FAO sin matvareprisindeks gjekk ned med 3,7 prosent frå juni til juli. God tilgang på meierivarer på den internasjonale marknaden ga lågare prisar for alle meieriprodukta som inngår i FAO sin indeks. Tyske prisar gjekk òg ned, med unntak for tysk gouda som gjekk opp i pris.
I EU gjekk prisane på både storfekjøt og svinekjøt ned frå juni til juli. EU-prisane syner den same utviklinga som kjøtprisane som inngår i FAO sin matvareprisindeks.
Tørt vêr nord i Europa gir auka kveiteprisar
Prisane på europeisk kveite fortsette å auke i juli. Auka skyldast at det ser ut til å bli dårlege avlingar i fleire av landa som produserer mykje kveite på verdsbasis. Tørt vêr har ført til store utfordringar for kornproduksjonen nord i Europa.