Annemor Sundbø og Edvard Hoem får statsstipend

I budsjettframlegget for 2012 fremjar Kulturdepartementet forslag om nye statsstipend til kunsthandverkar Annemor Sundbø og til forfattar Edvard Hoem.

Statsstipendet er på 391 300 kroner årleg. I dag er det 30 statsstipendiatar i ordninga, fordelt på sju kvinner og 23 menn.

Kulturdepartementet foreslår dessutan å opprette ti nye arbeidsstipend og å heve arbeidsstipendet frå 190 000 til 196 000 kroner. Arbeidsstipenda vert tildelte av Utvalet for statens stipend og garantiinntekter for kunstnarar etter innstilling frå sakkyndige komitear oppnemnde av kunstnarorganisasjonane.