884 millionar kroner meir i frie inntekter til Rogaland neste år
Artikkel | Sist oppdatert: 08.11.2021 | Kommunal- og distriktsdepartementet
Regjeringa legg 2,5 milliardar kroner på toppen av Solberg-regjeringa sitt forslag til vekst i frie inntekter for 2022. Dermed får kommunesektoren 4,5 milliardar kroner meir i frie inntekter neste år. – No sikrar vi ressursar og handlefridom til kommunesektoren slik at dei kan levere gode velferdstenester over heile landet, seier kommunal- og distriktsminister Bjørn Arild Gram.
Tabellen viser fordelinga av dei frie inntektene for kommunane i Rogaland og Rogaland fylkeskommune og den nominelle veksten frå 2021 til 2022. Veksten er rekna frå eit oppdatert anslag på dei frie inntektene i 2021. Anslaget inkluderer ei justering av skatteinntektene for kommunesektoren i 2021 på 5,9 milliardar kroner, samanlikna med anslaget på skatteinntekter i revidert nasjonalbudsjett 2021.
For å gjere inntektsnivået i 2021 samanliknbart med inntektsnivået i 2022, er det korrigert for oppgåveendringar, regelendringar og endringar i finansieringa av oppgåvene til kommunesektoren. Dei ekstraordinære løyvingane til kommunesektoren i 2021 i samband med virusutbrotet, er ikkje rekna med i inntektsnivået for 2021.
Utvikling og endring i befolkninga og endringar i skjønnstilskotet og dei regionalpolitiske tilskota, kan forklare mykje av variasjonen i veksten kommunar og fylkeskommunar imellom. For små kommunar kan mindre endringar gje store utslag i anslaget på vekst målt i prosent.
| Anslag på | Vekst frå anslag | Endring | ||
| frie | på rekneskap 2021 - 2022 | fra | ||
| Kommune | inntekter | Nominelle | Prosent | Prop. 1 S |
| 2022 | kroner | |||
| (1000 kr) | (1000 kr) | (1000 kr) | ||
| 1 | 2 | 3 | 4 | |
| 1101 Eigersund | 938 088 | 19 276 | 2,1 | 6 264 |
| 1103 Stavanger | 9 009 840 | 192 297 | 2,2 | 48 251 |
| 1106 Haugesund | 2 216 872 | 27 080 | 1,2 | 10 799 |
| 1108 Sandnes | 4 858 281 | 138 230 | 2,9 | 25 770 |
| 1111 Sokndal | 234 056 | 3 908 | 1,7 | 1 047 |
| 1112 Lund | 218 038 | 4 858 | 2,3 | 2 453 |
| 1114 Bjerkreim | 187 581 | 2 578 | 1,4 | 1 403 |
| 1119 Hå | 1 165 671 | 34 984 | 3,1 | 6 846 |
| 1120 Klepp | 1 182 234 | 30 726 | 2,7 | 6 703 |
| 1121 Time | 1 154 820 | 31 382 | 2,8 | 6 776 |
| 1122 Gjesdal | 746 686 | 20 652 | 2,8 | 4 489 |
| 1124 Sola | 1 757 636 | 55 355 | 3,3 | 10 350 |
| 1127 Randaberg | 710 027 | 16 278 | 2,3 | 3 179 |
| 1130 Strand | 805 820 | 18 434 | 2,3 | 4 632 |
| 1133 Hjelmeland | 204 085 | 3 770 | 1,9 | 2 083 |
| 1134 Suldal | 291 858 | 8 850 | 3,1 | 4 394 |
| 1135 Sauda | 325 252 | 4 913 | 1,5 | 2 816 |
| 1144 Kvitsøy | 53 379 | 1 495 | 2,9 | 669 |
| 1145 Bokn | 73 312 | 421 | 0,6 | 681 |
| 1146 Tysvær | 731 101 | 23 225 | 3,3 | 5 392 |
| 1149 Karmøy | 2 530 488 | 56 392 | 2,3 | 15 724 |
| 1151 Utsira | 37 162 | 2 045 | 5,8 | 642 |
| 1160 Vindafjord | 588 382 | 7 416 | 1,3 | 5 961 |
| Til fordeling gjennom året | 17 300 | |||
| Rogaland | 30 037 968 | 704 568 | 2,4 | 172 925 |
| Rogaland fylkeskommune | 6 663 346 | 179 825 | 2,8 | 45 391 |
Første kolonne:
Viser overslag på kor mykje kvar kommune og fylkeskommune får i frie inntekter i 2022, målt i 1 000 kroner. Det blir gjort nokon endringar i tabell C pga. feil i berekning av kompensasjon for barnevern i Grønt hefte. Dette er ikkje teke omsyn til i tabellen her. Det kan også bli endringar i fordelinga av grunnskuletilskotet når ny statistikk ligg føre.
Andre kolonne:
Viser overslag på vekst frå anslag på rekneskap for 2021 til anslag for 2022 i statsbudsjettet, målt i nominelle kroner. Veksten er korrigert for endringar i oppgåvene til kommunane.
Tredje kolonne:
Viser den nominelle oppgåvekorrigerte veksten målt i prosent.
Fjerde kolonne:
Viser endringa i veksten i frie inntekter samanlikna med Solberg-regjeringa sitt budsjettforslag.