Aktiver Javascript i din nettleser for en bedre opplevelse på regjeringen.no

Erte skianlegg får tilskot på 492 000 kroner til rulleskianlegg

Tistedalen Friluftslag har fått 492 000 kroner frå anleggspolitisk program til ei rulleskiløype i Erte skianlegg.

- Rulleskiløypa i Erte skianlegg blir det einaste rulleskianlegget i Østfold. Området er snøfattig, og ei løype, som kan brukast for rulleski om sommaren og dekkjast med kunstsnø om vinteren, vil vere viktig for å sikre rekruttering til langrennssporten. Rulleskianlegget vil også flytte trening på rulleski vekk frå trafikkerte vegar og vil gi betre treningsforhold for rulleskiløparar i alle aldre, seier kulturminister Thorhild Widvey.

 Rulleskianlegg er eit prioritert område i Kulturdepartementet sitt anleggspolitiske program for perioden 2014 – 2017. Tilskot til anlegg for idrett og fysisk aktivitet vert fordelt av overskotet i Norsk Tipping AS.

Søknaden fra Tistedalen Friluftslag er anbefalt av Norges Skiforbund og Norges Skiskytterforbund.

Til toppen